Ապրիլի 30-ին ժամը 18։30-ին Common Ground գրախանութ-սրճարանում տեղի կունենա տնտեսագիտական գիտությունների թեկնածու Պավել Ուսանովի հանրային դասախոսությունը, որի ընթացքում նա նաև կներկայացնի իր նոր «Ամերիկյան մոդեռնիզացիա» գիրքը։ 

Ամերիկյան տնտեսությունը 100 տարվա ընթացքում Մեծ Բրիտանիայի գաղութից վերածվեց աշխարհի ամենամեծ տնտեսության։ 20-րդ դարում ԱՄՆ առաջնորդությունը համաշխարհային ասպարեզում արդյունքն էր Նահանգների հիմնադիր հայրերի կողմից ներդրված գաղափարների:

Ի՞նչ գաղափարներ էին դրանք և ինչպե՞ս կարողացան ստեղծել աշխարհի ամենամեծ տնտեսությունը:

Վերջին տարիներին ԱՄՆ-ի առաջնորդությունը կասկածի տակ է դրվել, դրա պատճառները պետք է փնտրել այն գաղափարների ու քաղաքականության մեջ, որոնք ոչնչացնում են արեւմտյան քաղաքակրթությունը։

Կարո՞ղ է արդյոք ԱՄՆ-ի տնտեսությունը, ինչպես ժամանակին Հռոմեական կայսրությունը, փլուզվել: Ի՞նչ խնդիրներ կան ամերիկյան տնտեսությունում։ Ի՞նչ է պետք անել առաջնորդությունը պահպանելու համար:

Այս բոլոր հարցերն է քննարկելու և իր պատասխաններն առաջարկելու Պավել Ուսանովը առաջիկա դասախոսության ընթացքում։

Պավել Ուսանով, Ֆրիդրիխ ֆոն Հայեկի անվան ինստիտուտի տնօրեն, Սանկտ Պետերբուրգի Եվրոպական համալսարանի արդիականության ուսումնասիրությունների կենտրոնի ավագ գիտաշխատող, տնտեսագիտական գիտությունների թեկնածու։ Ուսանովը հեղինակ է մի շարք գրքերի՝ «Գիտություն հարստության մասին», «Տնտեսագիտաական մտքի հետահայաց․ Հին Հունաստանից մինչ մեր օրեր», «Փողի ապագան. Ինչպես ազատ շուկաները կհաղթեն պետությանը»։