Պիեսի ընթերցանություն․ Հենրիկ Իբսենի «Տիկնիկների տունը»
Ողջունի՜ր մեր նոր նախագիծը՝ «Ընթերցանության ակումբը»
Ցանկանու՞մ ս կարդալ ու քննարկել գեղարվեստական, փիլիսոփայական ու ակադեմիական տեքստեր, հոդվածներ, որոնք կապված են սոցիալական և հումանիտար գիտությունների հետ։ Իսկ գուցե ուզում ես զարգացնել անգլերենի բանավոր խո՞սքդ, ինչպես նաև բարդ թեմաների շուրջ քննարկումներ ծավալելու կարողություննե՞րդ։ Մեր նոր ինտելեկտուալ զբաղմունքն այդ երկու նպատակների իդեալական համադրությունն է։ Ընթերցանության ակումբին միանալու համար պետք է ունենալ անգլերենի նվազագույնը B մակարդակ և թեմայի հանդեպ ընդհանուր հետաքրքրվածություն։
Առաջին հանդիպմանը կարդալու ենք Հենրիկ Իբսենի «Տիկնիկների տունը» պիեսից մի քանի էջ։ Իբսենը նորվեգացի դրամատուրգ է, որը շատ էր խորհում սոցիալական խնդիրների մասին։ Մենք (էքսպրեսիայով) կարդալու ենք պիեսի սկիզբն ու փորձելու ենք հասկանալ, թե ինչու է ժամանակակակից փիլիսոփա Ֆիլիպ Պետիտն այն որպես օրինակ օգտագործել հանրապետական ազատականության գաղափարը բացատրելու համար։
Խորհուրդ ենք տալիս նախապես աչքի տակով անցկացնել ստեղծագործության առաջին երկու էջերը, հասկանալու համար՝ արդյոք այն համապատասխանում է անգլերենի քո մակարդակին։
Ակումբի հանդիպումները համակարգելու է Ասյա Կրամերը։ Անգլերեն և լեզվաբանություն նա սովորել է բակալավրիատում, քաղաքական տեսության մասնագիտությամբ մագիստրոսի կոչում նա շուտով կստանա Սանկտ Պետերբուրգում Եվրոպական համալսարանում։ Ասյայի մոտ քաղաքականության հանդեպ սերն առաջացել է Քովիդի շրջանում, իսկ մասնագիտորեն այն ուսումնասիրելով՝ սկսել է հետաքրքրվել հանրապետականությամբ, ֆեմինիստական քաղաքական տեսությամբ ու քննադատական սոցիոլոգիայով։
Միացի՛ր մեզ Common Ground-ի բակում (Բաղրամյան 6, Երևան), ժամը 19։30։
Արժեքը․ մի բաժակ գինի կամ մեկ այլ խմիչք՝ Common Ground-ի հյուրընկալության ու լավ տրամադրությամբ սկսելու համար
Ակումբին մասնակցելն անվճար է, բայց տեղերը սահմանափակ են։ Խնդրում ենք գրանցվել նախապես։
