Ինքնակառավարվող մեքենաներ. ո՞ւմ, որտե՞ղ և ե՞րբ են դրանք հարկավոր
Այսօր մի տարածված տեսակետ կա, որ մարդ վարորդներին հաստատապես փոխարինելու են անվարորդ մեքենաները։ Փորձագետները և հասարակության մի ստվար զանգված կարծում են, որ մեքենաները գնալով ավելի խելացի և ինքնավար կդառնան և ինչ-որ պահի կգերազանցեն մարդկանց: Այսպես մտածողների համար հարց է միայն այն, թե երբ դա տեղի կունենա: Սակայն հարցի այսպիսի ձևակերպումն իրականում տանում է սխալ ուղղությամբ։
Այս դասախոսությունը ցույց կտա, որ շատ ավելի իմաստալից է հարցնել ոչ թե «ե՞րբ», այլ թե «ինչպիսի՞ն» են այսօր ինքնակառավարվող մեքենաները, «որտե՞ղ» են դրանք մշակվում, և վերջապես «ո՞ւմ» են հարկավոր դրանք: Դասախոսությունը կտրամադրի այս հարցերի պատասխանները՝ հիմնվելով MARTA հետազոտական նախագծի տվյալների վրա, որը հավաքել և վերլուծել է 2000-2020 թվականներին արտադրված ինքնակառավարվող մեքենաների վերաբերյալ բաց տվյալները։ Մենք կխոսենք ինքնակառավարվող մեքենաների երեք հիմնական տեսակների մասին, որոնք մշակվում են այսօր: Կխոսենք այս մեքենաների աշխարհագրության մասին, այն է, թե որտեղ են դրանք ստեղծվել և փորձարկվել, ու կքննարկենք, թե ինչու հենց տվյալ վայրերում: Եվ վերջում կանդրադառնանք ներդրողներին ու գործընկերներին, որոնք ժամանակակից խելացի մեքենաների խճճված պատմության անբաժանելի մասն են:
Հանրային դասախոսությունը կվարի սոցիոլոգիական գիտությունների թեկնածու, Երևանյան միջազգային կրթության կենտրոնի և Սանկտ Պետերբուրգում Եվրոպական համալսարանի գիտության և տեխնոլոգիաների հետազոտությունների կենտրոնի ասոցիացված գիտաշխատող Նիկոլայ Ռուդենկոն։ Հանդիպումը տեղի կունենա մարտի 25-ին, ժամը 18։30-ին, Երևանյան միջազգային կրթության կենտրոնում (Չարենցի 31/4)։
Additional Details
Start Date - 2024-03-25
