4 ժամ ու 12 ֆիլմ․ Ե-Կենտրոնում կկայանա Ալեքսանդր Սոկուրովի ուսանողների աշխատանքների ցուցադրությունը
Հունիսի 8-ին ժամը 18։30-ին Ե-Կենտրոնում կկայանա արդի ռուսական կինոյի համաշխարհային ճանաչում ունեցող ռեժիսոր Ալեքսանդր Սոկուրովի արվեստանոցի շրջանավարտների ֆիլմերի ցուցադրությունը։
Երեկոյի ընթացքում ներկայացվելու է Սանկտ Պետերբուրգի կինոյի և հեռուստատեսության ինստիտուտում Սոկուրովի ուսանողների հեղինակած 12 ֆիլմ՝ տարբեր տևողություններով ու իրարից տարբեր թեմաներով։
Ֆիլմերի դիտմանը ներկա կլինի նաև անվանի ռեժիսորի ուսանողներից մեկը՝ Անդրեյ Կրեչետովը, որը կներկայացնի օրակարգն ու ցուցադրությունից հետո կպատասխանի ներկաների հարցերին։
Նախագծի ընդհանուր տևողությունը 4 ժամ է։
Ֆիլմերը կցուցադրվեն 2 փուլով՝ 2-ական ժամ տևողությամբ և 10 րոպե ընդմիջումով։
Կազմակերպիչները խնդրում են դահլիճ չմտնել ֆիլմի ցուցադրության ընթացքում՝ առաջարկելով ներկա գտնվել ցուցադրության առաջին կամ երկրորդ հատվածում։
Միջոցառման մուտքն ազատ է, գրանցումը՝ ցանկալի։
