Քևին Պլատը ստացել է իր բակալավրի կոչումը Ամհերսթ քոլեջից (1989թ.), գիտությունների թեկնածուի աստիճանը՝ Ստենֆորդի համալսարանից (1994թ.) և դասավանդել է Պոմոնա քոլեջում, նախքան Փենսիլվանիայի համալսարանին միանալը 2002թ.-ին:
Պլատի հետաքրքրությունների շրջանակը ներառում է Ռուսաստանի և Արևելյան Եվրոպայի պատմությունը և հիշողությունը, ռուսական և լատվիական պոեզիան, համաշխարհային սոցիալիստական և ռուսական մշակույթները: Նա մի շարք գրքերի հեղինակ և խմբագիր է, վերջինը՝ Border Conditions: Russian-Speaking Latvians Between World Orders (Cornell/Northern Illinois University Press, 2024): Նա պոեզիայի թարգմանության Your Language My Ear պարբերական սիմպոզիումի հիմնադիրն է:
Պլատի ընթացիկ նախագիծը 20-րդ դարի գլոբալ մշակութային փոխանակման ուսումնասիրություն է՝ Cultural Arbitrage in the Age of Three Worlds: How Transnational Exchange Defined Cold War Cultures վերնագրով: Նաև աշխատում է խորհրդային և հետխորհրդային Ռուսաստանում պատմության և հիշողության ուսումնասիրության վրա։
