Մարտի 9-ին, ժամը 18:30-ին Ե-կենտրոնում կլինի հերթական կինոդիտումը։
«Մի քանի հարցազրույց անձնական հարցերի շուրջ» (1978 թ.) ֆիլմը նկարահանել է վրացական կինոյի Վաթսունականների սերնդի ներկայացուցիչ Լանա Գոգոբերիձեն։ Սա վրացական և սովետական կինոյի այն հազվագյուտ դեպքերից է, երբ ռեժիսորը նկատել և ներկայացրել է իրականությունը կնոջ տեսանկյունից, ընդ որում՝ առանց կարծրատիպացնելու կնոջ անհատականությունն ու փորձը։ Ֆիլմում սոցիալական իրականությունը ցուցադրվում է մեկ կնոջ, նրա ընտանիքի, նրա աշխատանքի օրինակով։ Սակայն այդ իրականությունը ներկայանում է դիտորդին ոչ թե միակողմանի ու պլակատային կերպով, այլ համակողմանիորեն ցուցանում է այն ամբողջ բարդությունը, որը արդյունքն է ամբողջատիրական անցյալի և խորհրդային իշխանության կոնկրետ գենդերային քաղաքականության։
Ֆիլմի դիտումին հաջորդող քննարկման ժամանակ հենց այս ասպեկտներն են լինելու մեր ուշադրության կենտրոնում։
Ֆիլմը կմեկնաբանի գենդերային հետազոտությունների մասնագետ, Իլիայի պետական համալսարանի Սոցիալական և մշակութային մարդաբանության ֆակուլտետի ասպիրանտ, “գենդերը կինոյում և էկրանային մշակույթում” դասընթացի (ԹՊՀ) մասնակից Թամթա Թաթարաշվիլին։