Մշակութային ժառանգությունը նեյրոցանցի տեսանկյունից
Պատմաբաններին, հնագետներին, արվեստաբաններին և հումանիտար ոլորտի բոլոր ներկայացուցիչներին հրավիրում ենք մասնակցելու Սանկտ Պետերբուգում Եվրոպական համալսարանի «Արվեստ և արհեստական բանականություն» լաբորատորիայի և Երևանյան միջազգային կրթության կենտրոնի (Ե-Կենտրոն) համատեղ կազմակերպած գործնական առցանց դասախոսությանը։ Այն տեղի կունենա դեկտեմբերի 6-ին ժամը 19։00-ին։
Խնդրում ենք գրանցվել նախապես, որպեսզի կարողանանք միջոցառման օրվան ընդառաջ ուղարկել միանալու հղումը։
Թվայնացման գործընթացը տարեցտարի փոփոխություններ է բերում մշակութային ոլորտում՝ հետազոտողներին և համադրողներին զինելով նոր տեխնոլոգիաներով։ Թանգարանների հավաքածուներում ներառված առարկաների նկարագրությունների և պատկերների թվայնացումը հանգեցրել է տվյալների մեծ բազաների ստեղծմանը։ Այս բազաների առկայությունն էլ իր հերթին մղել է պատմաբաններին, հնագետներին և արվեստի պատմաբաններին սովորել և իրենց գործունեության ոլորտներում կիրառել արհեստական բանականությունը (ԱԲ)։
Սեմինարի ընթացքում կներկայացվեն, թե թանգարանային հավաքածուների և հնագիտական գտածոների ուսումնասիրության ժամանակ ինչպիսի գործնական կիրառություններ է ունեցել ԱԲ-ն: Մասնակիցները կծանոթանան այնպիսի մեթոդների, որոնք օգնում են ստուգել նմուշների վավերականությունը, ինչպես նաև հնարավորություն են տալիս տարբեր թաքնված ենթատեքստեր ուսումնասիրել և տեսողական անալոգիաներ գտնել։ Կքննարկենք թանգարաններում այցելուների վարքագծի մասին ուսումնասիրությունները, որոնք կատարվել են տեսավերլուծության օգնությամբ։ Բանախոսները կանդրադառնան նաև նեյրոնային ցանցերի օգտագործման հաջողություններին, դժվարություններին և սահմանափակումներին:
Բանախոսներ՝
Օլեգ Լաշմանով — Սանկտ Պետերբուրգում Եվրոպական համալսարանի «Արվեստ և արհեստական բանականություն» լաբորատորիայի գիտական ղեկավար և գործադիր տնօրեն
Ալեքսանդր Կոռոլյով — Սանկտ Պետերբուրգում Եվրոպական համալսարանի «Արվեստ և արհեստական բանականություն» լաբորատորիայի տեխնիկական բաժնի տնօրեն
Լաբորատորիայի՝ ԱԲ-ի հետ աշխատելու ակտուալ թեմաներով հոդվածները կարելի է կարդալ «Системный блокъ» հարթակում:
